🧭 أقسامُ البرنامج
القيود اليومية
هي صفحة دفترك اليومي: كل صفحة = صندوق واحد بيوم واحد. من هون بتقيّد المقبوضات والمدفوعات وبتشوف حركة الصندوق وأول اليوم وآخره.
12 خطوة · 6 زرّ مشروح · 2 تنبيه
كيف بتشتغل — بالترتيب
فوق اختر الحساب النقدي (صندوق · محفظة · بنك) واليوم.
ليش هيك؟ كل صندوق صفحته المستقلة — هيك جردك لكل درج بيطلع صح لحاله.
شوف رقم القيد الأخضر فوق الجدول — اكتبه على ورقتك قبل ما تحفظ.
ليش هيك؟ هو نفسه يلي رح ينزل بالدفتر، فورقتك وشاشتك بيتطابقوا.
اكتب واكبس Enter: بيمشي بالسطر (المقبوض ← المدفوع ← رقم الحساب ← اسمه ← الملاحظات) وبعد آخر خانة بينزل لأول السطر الجاي.
ليش هيك؟ متل إكسل: بتعبّي السطر كامل بلا ماوس. والعمود يلي مخبّيه من ثوابت الصفحة بيتخطّاه. والأسهم ↑↓ بتنزل بنفس العمود.
بكل سطر: اكتب اسم الحساب (أو رقمه — بيقبل رقم الرشيد كمان)، أو اكبس 🌳 بالخانة لتفتح شجرة الحسابات بعناوينها وحساباتها.
ليش هيك؟ إذا ما تذكّرت الاسم: افتح العنوان (مثلاً «المدينون») بتلاقي زبائنك تحته، وكبسة عالحساب بتختاره.
حطّ المبلغ بعمود «المقبوضات» إذا دخل مصاري، أو «المدفوعات» إذا خرجت.
تحت السطر بتلاقي وسم الرصيد: «الرصيد ١٢٠٬٠٠٠ مدين ⇐ بعد الحفظ ٣٠٬٠٠٠ دائن» وهو عم يتغيّر مع كل رقم بتكتبه.
ليش هيك؟ بتشوف وين رح يوصل الحساب قبل ما تحفظ، وإذا رح ينقلب بيقلّك «بينقلب» بالأحمر.
تحت الجدول بتشوف: رصيد أول اليوم · مقبوضات اليوم · مدفوعات اليوم · رصيد آخر اليوم.
ليش هيك؟ أول اليوم + المقبوضات − المدفوعات = آخر اليوم: هاد الرقم يلي بتطابقه مع درجك آخر النهار، وبتشوفه قبل ما تحفظ.
اكبس زر الحفظ 💾 فوق مع الأزرار (أو F9 / Ctrl+S) — كل سطر بيصير قيداً كاملاً بطرفيه.
للقيد المركّب (مدين واحد وعدة دائنين): اكبس «قيد يدوي» بالشريط.
ليش هيك؟ اليومية للحركة النقدية؛ القيد اليدوي لأي قيدٍ مركّب بموازنته.
باقي الأدوات بزر «أدوات»: نبض اليوم · سجلّ المحذوفات · تصدير إكسل · ثوابت الصفحة · إضافة حساب · مسح أسطر المسودة.
من ⚙️ ثوابت الصفحة بتخبّي أي عمود ما بتحتاجه.
«كل القيود» (من الأوامر السريعة) بيوريك دفترك كله بفلترة تاريخ وبحث وشرائح أنواع.
انتبه
- ⚠ ما بتقدر تقيّد على «عنوان» بالشجرة (متل «١٦ المدينون») — القيد بينزل على الحساب مو على العنوان، وإلا الشجرة بتنجمع مرّتين.
- ⚠ عمود «رصيد الصندوق» بالجدول هو رصيد الدفتر المفتوح (الصندوق أو البنك) بعد كل سطر — مو رصيد الزبون أو المورّد المكتوب بالسطر.
الأزرار — كل زرّ شو بيعمل
- «قيد يدوي»
- بيفتحلك جدول مدين/دائن للقيود المركّبة (مدين واحد وعدة دائنين) — وما بينحفظ إلا موزوناً.
- اليومية للحركة النقدية؛ وأي قيدٍ مركّب بيته هون.
- «أدوات»
- قائمة فيها: نبض اليوم · سجلّ المحذوفات · تصدير إكسل · ثوابت الصفحة · إضافة حساب مدين أو دائن · مسح أسطر المسودة.
- أدوات بتلزمك أحياناً — مجمّعة بزر واحد كي يضلّ شريط الإدخال خفيف.
- «كل القيود»
- من الأوامر السريعة: دفترك كله بصفحة — فلترة تاريخ · بحث بالرقم أو المبلغ · وشرائح لكل نوع حركة بعددها.
- هون بتلاقي أي قيد كتبته أو ولّده البرنامج — بما فيه يلي ما بيمرّ على صندوقك.
- «نبض اليوم»
- كل شي صار اليوم بصفحة: مبيعات · مشتريات · صناديق · مين داوم · وكل القيود المولّدة.
- آخر اليوم بتقرأه بدقيقة، وبتبعت ملخّصه PDF بالواتساب.
- «دفتر أي حساب؟»
- بتبدّل صفحة اليومية بين صناديقك (صندوق · محفظة · بنك).
- كل صندوق صفحته المستقلة — هيك جرد كل درج بيطلع صح لحاله.
- «مسح أسطر المسودة»
- من زر «أدوات»: بيمسح الأسطر يلي لسّا ما حفظتها. ما بيمسّ المُرحَّل.
- المُرحَّل ما بينمحى من هون — تصحيحه بتعديل السطر أو بقيد عكسي.
مواضيع قريبة
جرّبها بمحلّك — مجاناً وبلا نت