02المخزون — النواقص · التحويل · التكلفة والتسعير · العروض
بالجزء التاني من درس المخزون: النواقص وأمر الشراء، والتحويل بين المستودعات، وطرق التكلفة، وجدول التسعير والخوارزمية، والعروض، والصلاحيات.
النواقص
النواقص والطلب
من قائمة المخزون اكبس النواقص والطلب: أربعتعشر صنف ناقص، مجمّعين حسب مورّد آخر شراء. وجنب كل صنف رصيده، وحدّ الطلب، ومبيعه بتلاتين يوم، وآخر تكلفة، وكم يُطلب.
حسب مورّد آخر شراء أمر شراء أو فاتورة
ولكل مورّد زرّين: أمر شراء بتبعته للمورّد، أو جهّز فاتورة، فبتفتحلك فاتورة شراء جاهزة بالكميات. ومن ضبط حدود الطلب بتغيّر الحدود.
لكل مورّد بكبسة🔍 اكبس للشاشة كاملة أمر الشراء انحفظ
كبسنا أمر شراء لمؤسسة الريحان بخمس أصناف: انحفظ برقمه، وطلعلك تبعته للمورّد واتساب، أو مشاركة، أو PDF.
واتساب · مشاركة · PDF🔍 اكبس للشاشة كاملة المستودعات والتحويل
مستودع تاني
عندك أكتر من مستودع؟ إضافة مخزن ثاني: بتكتب اسمه بس، متل مخزن الرفوف، والبرنامج بيعمله حساب أصل مستقل بدليلك لحاله، بلا ما تكتب كود.
حسابه بدليلك لحاله🔍 اكبس للشاشة كاملة تحويل بضاعة
وتحويل بضاعة بيسألك: من المحل لوين؟ لمستودع تاني، أو لعهدة سيارة مندوب. هون اخترنا عهدة المندوب خالد بسيارته، برسم الأمانة.
لمستودع أو لسيارة مندوب🔍 اكبس للشاشة كاملة سند تحويل
بينفتح سند تحويل برقمه. اكتب الصنف أو امسحه، والكمية: ستّ علب عصير برتقال، وجنبه المتاح. وتحت: كم صنف وكم قطعة وقيمتهن بالكلفة، واكبس حوّل، أو كنترول إنتر.
برقمه · والمتاح جنب كل صنف انحوّلت
انحوّلت: قيمة مخزون المحل بالتكلفة نزلت خمسمية وتمانية وعشرين بعملة بلدك، لأنّ العلب صارت بعهدة السيارة، مو لأنها انباعت.
٣٤٠٬٢٣١ ⇐ ٣٣٩٬٧٠٣🔍 اكبس للشاشة كاملة جدول التسعير
جدول التسعير السريع
تكلفة وتسعير بيفتح جدول التسعير السريع: كل صنف بتكلفته، وهامش ربحه الحقيقي، وأسعاره التلاتة: مفرق وجملة وجملة الجملة. عدّل أي سعر بخانته مباشرة، وإنتر بيمشي بالسطر.
التكلفة · الهامش · ٣ أسعار طريقة التكلفة
طريقة التكلفة
وتحت كل تكلفة طريقتها، بتبدّلها بكبسة: يدوي يعني إنت بتكتبها، أو من آخر شراء، أو متوسط المشتريات، أو متوسط الشراء بالدولار، يعني متوسط الدولار ضرب سعر دولار متجرك اليوم. والصنف يلي إلو وصفة تصنيع، تكلفته بتتبع وصفته.
لكل صنف بكبسة🔍 اكبس للشاشة كاملة التسعير الآلي
☑️ تسعير آلي وولّد
وللتسعير دفعة: فوق هوامشك التلاتة، هون مفرق خمسة وتلاتين بالمية، وجملة تلاتين، وجملة الجملة عشرين، وخطوة التقريب مية. أشّر تسعير آلي على الأصناف واكبس ولّد: السعر بيصير التكلفة ضرب واحد زائد الهامش، وكل ما تتغيّر التكلفة بيتولّد من جديد. وأي سعر بتكتبه بإيدك، بيشيل التأشير ورقمك بيسود.
السعر = التكلفة × (١ + الهامش) خوارزمية التسعير
خوارزمية التسعير
وخوارزمية التسعير: هامش حسب تكلفة الصنف، بدل رقم واحد لكل المتجر. كل شريحة: تكلفته من كم لأقل من كم، ونسبة المفرق والجملة وجملة الجملة. الرخيص نسبته أعلى: لحد المية، المفرق مية بالمية، ومن الألف للعشرة آلاف، خمسة وتلاتين.
هامش حسب شريحة التكلفة احفظ أو احفظ وطبّق
وكل شريحة إلها نطاق: كل الأصناف، أو أقسام أو ماركات أو أصناف بعينها، والأخصّ بيغلب. احفظ السلّم بس، أو احفظ وطبّق. وبلا تأشير طبّق فوق الأسعار المضبوطة يدوياً، بتنعبّى الخانات الفاضية بس، وأي سعر كتبته بإيدك ما بينمسّ.
والسعر اليدوي ما بينمسّ العروض
حملة عروض
والعروض: حملات العروض من قائمة المخزون، أو من جدول التسعير. اختار النطاق: كل المتجر، أو أقسام، أو شركات، أو أصناف. هون قسم الخضار والفواكه، حسم عشرة بالمية من سعر البيع، لخمس أيام، من اليوم لآخر يوم الخميس. أو بدل الحسم: ربح بالمية فوق التكلفة.
قسم · ١٠٪ · ٥ أيام ما بينزل تحت التكلفة
والحسم ما بينزّل الصنف تحت تكلفته، بيوقف عندها، إلا إذا أشّرت السماح بالبيع تحت التكلفة. وأعلن للزبائن بينشر الحملة بعروض متجرك وبيوصلهم إشعار، وهون تركناه مطفى.
إلا إذا سمحت معاينة قبل التطبيق
معاينة قبل ما تطبّق: خمستعشر صنف رح ينحسم، وجنب كل صنف سعره هلّق وسعره بالعرض، الليمون من خمسة وتسعين لستة وتمانين.
١٥ صنف · القديم والجديد الحملة شغّالة
طبّقنا الحملة: الأسعار نزلت، وفوق المخزون بتضل الحملة ظاهرة لتحدّثها أو تنهيها. ولمّا تخلص مدّتها، الأسعار بترجع لحالها.
حدّث · أنهِ · وبترجع لحالها الصلاحيات
ثوابت المواد
والصلاحيات: من ثوابت المواد بتشغّل تتبّع تاريخ الصلاحية، وهو مشغّل لحاله لنشاطك، وبتحدّد قبل كم يوم ينبّهك، هون تلاتين يوم.
تتبّع الصلاحية · نبّهني قبل ٣٠ يوم🔍 اكبس للشاشة كاملة مركز الصلاحيات
ومركز الصلاحيات بيوريك شو انتهى وشو قرب ينتهي: خلال أسبوع، أو شهر، أو تلات أشهر، أو سنة، وكم الخسارة المتوقّعة بالتكلفة. بمتجر التجربة ما في شي قرب ينتهي. لتتبّعها، سجّل دفعات المادة بصلاحية كل دفعة من بطاقتها، أو صلاحية وحدة لكل الكمية.
منتهي · قرب ينتهي · الخسارة بالتكلفة