01المخزون — المواد · حركة المادة · الجرد · الهدر
أهلاً فيك بدروس أوبرا بلاس. بهالدرس رح نتعلّم المخزون على سوبرماركت: وين موادك وأقسامها، وكيف بتشوف حركة كل مادة، وكيف بتجرد الرفّ، وكيف بتسجّل الهدر والكسر.
المواد
المخزون بنظرة
من قائمة المخزون اكبس المواد والمخزون. فوق الأرقام: كم مادة، وكم متاح للبيع، وكم منخفض أو نافد، وقيمة المخزون بالتكلفة. وتحتها الشرائح: نفذ، وتحت حدّ الطلب، ومقفول عن البيع. كبسة على الشريحة بتفلترلك عليها.
نفذ · تحت حدّ الطلب · مقفول أدوات المخزون
وأدوات المخزون: إضافة قسم، وإضافة مادة، وشجرة المواد، والنواقص والطلب، والهدر والكسر، وتحويل بضاعة، وتكلفة وتسعير، والصلاحيات، ومشاركة المخزون. بهالدرس والدرس الجاي رح نمرق عليهن.
كل شي من مكان واحد شجرة المواد
شجرة المواد بتوريك أقسامك بأرقامها، وتحت كل قسم موادّه، ومن الزائد جنبه بتضيف مادة جوّاه. ورقم القسم بينشتق منه رقم كل مادة تحته، فبتعرف مكان المادة من رقمها. وفوق بيقلّك كم صنف بلا سعر لتسعّره.
أقسام بأرقامها ابحث أو امسح
ابحث بالاسم، أو إف إحدعش، أو امسح الباركود: سطر لكل صنف بالرمز والقسم والكمية وتكلفة الدفتر وسعر البيع وقيمة المخزون. وتحت كل عمود خانة تصفية، وتحت الجدول المجاميع: قيمة المخزون بالتكلفة وبيعاً.
سطر لكل صنف ومجاميع تحت حركة المادة
كشف حركات المواد
لتعرف وين راحت كل مادة: من مال وذمم اكبس كشف حساب سريع، واختار كشف حركات المواد، والفترة إذا بدك، واكبس عرض الكشف.
مال وذمم ⇐ كشف حساب سريع🔍 اكبس للشاشة كاملة كل دخول وخروج
الكشف بيعطيك كل حركة لكل مادة: التاريخ والمستودع، والداخل والخارج، والرصيد بعدها، ونوع الحركة ورقم الفاتورة، والسعر والربح. وفوق المجاميع: الوارد والصادر بالتكلفة، والربح ونسبته.
برصيد متراكم وربح كل بيعة مادة وحدة
اكتب اسم المادة، هون سائل جلي: شراء ستة وتلاتين عبوة، وبعدها كل بيعة برقم فاتورتها، والرصيد عم ينزل حركة حركة.
سائل جلي ١ ليتر الجرد
الجرد والهدر
للجرد: من قائمة المخزون اكبس الجرد، فبتنفتح نافذة الجرد والهدر. امسح باركود الصنف أو اكتب اسمه.
امسح أو اكتب اسم المادة العدّ الفعلي
اختار جرد العدّ الفعلي، واكتب شو في عالرفّ. الدفتر بيقول واحد وتلاتين، والرفّ فيه تلاتين، فبيقلّك نقص عبوة، بينخصم من المخزون وبيتحمّل على الأرباح والخسائر.
الدفتر ٣١ · الرفّ ٣٠ القيد قبل الحفظ
وقبل ما تعتمد، بيوريك القيد يلي رح ينكتب: من حساب خسائر ونقص المخزون، إلى حساب المخزون، بتكلفة العبوة: خمسة وسبعين بعملة بلدك.
خسائر ونقص مخزون ⇐ المخزون انعتمد الجرد
اعتمد الجرد: الرصيد صار تلاتين، وقيمة الرصيد نزلت، والنقص انكتب بقيمته.
الرصيد صار ٣٠ الجرد بالكشف
وبكشف حركات المادة، الجرد طلع آخر حركة: تسوية رصيد بتاريخ اليوم، خارج عبوة، والرصيد تلاتين. فبعد سنة بتعرف شو تعدّل ومتى، مو رقم تبدّل لحاله.
«تسوية رصيد» بتاريخها الهدر والكسر
هدر · كسر · عيّنة
وللهدر: بنفس النافذة اختار هدر حسم كسر، وقلّو ليش عم تخرّجها: هدر أو تلف، أو كسر، أو حسم أو عيّنة، أو سرقة أو فقدان. هون كسر عبوتين مياه، والملاحظة: وقعوا من الرفّ.
وليش عم تخرّجها كل سبب بحسابه
والقيد هون من حساب هدر وتلف وكسر المخزون، وبيظهر بحساب المتاجرة. يعني الكسر شي، ونقص الجرد شي تاني، وكل واحد بحسابه.
الكسر بالمتاجرة طلعوا من المخزون
خرّج من المخزون: الرصيد صار مية وأربعة وستين، والكسر انكتب بقيمته بالتكلفة.
١٦٦ ⇐ ١٦٤ جرد نهاية اليوم
جرد مواد نهاية اليوم
وإذا عندك مواد أولية، متل مخبز الماركت: جرد مواد اليوم بيعطيك كل المواد بورقة وحدة، وتحت كل مادة رصيدها النظري بعد المبيعات. بتكتب الموجود بس، ويلي ما عدّيته بتتركه فاضي، والبرنامج بيسجّل الفرق.
للمواد الأولية المشاركة
مشاركة المخزون
وبأي وقت: مشاركة المخزون بتطلّعه إكسل، ومعه طلب الشراء المقترح، أو PDF، أو طباعة.
Excel · PDF · طباعة🔍 اكبس للشاشة كاملة