03الأرصدة الافتتاحية — الصندوق · البنك · الزبائن · الموردون · رأس المال
الدرس التاني: الأرصدة الافتتاحية. قبل ما تبيع أو تشتري، لازم تقول للبرنامج شو عندك بأوّل يوم: كم بالصندوق وبالبنك، ومين عليه دين قديم، ولمين نحنا مديونين.
الصندوق والبنك
زرّ اليمين على الحساب
من دليل الحسابات، دوّر عالصندوق، واكبس زرّ اليمين على الحساب. بتطلعلك قائمة: كشف الحساب، وإعادة التسمية، والرصيد الافتتاحي، وإضافة حساب فرعي.
دليل الحسابات ← رصيد افتتاحي🔍 اكبس للشاشة كاملة رصيد الصندوق
اكتب المبلغ يلي بالصندوق، هون عشرة آلاف، والجهة مدين لأن الصندوق إله رصيد. والبرنامج بيقيّده مقابل حساب الأرصدة الافتتاحية، بتاريخ اليوم.
مدين — إله رصيد🔍 اكبس للشاشة كاملة رصيد البنك
ونفس الشي للحساب البنكي: تلتمية ألف، مدين.
300,000🔍 اكبس للشاشة كاملة كل رصيد بقيد
وإذا فتحت كشف الصندوق، بتلاقي الرصيد قيد حقيقي بالدفتر، مقابل الأرصدة الافتتاحية. وإذا غلطت، التصحيح بيصير بقيد عكسي، مو بحذف.
والتصحيح بقيد عكسي — مو بحذف زبائن عليهم دين قديم
زبون جديد
هلّق الزباين يلي عليهم دين من قبل. من التعاريف، زبون جديد، أو كونترول بي. اكتب الاسم، ورقم الحساب بيطلع لحاله، والموبايل ضروري لمطالبات الذمم.
التعاريف ← زبون جديد · Ctrl+B🔍 اكبس للشاشة كاملة دين قديم على الزبون
بالرصيد المدين الافتتاحي اكتب دينه القديم: أبو خالد عليه عشرين ألف. وتحته السقف الائتماني، يعني لحدّ وين بتدينه، وإذا تركته فاضي بيصير بلا سقف. وشريحة السعر: مفرق أو جملة أو جملة الجملة. وبنفس الطريقة أم سامي، عليها عشرة آلاف.
أبو خالد · 20,000🔍 اكبس للشاشة كاملة الرصيد من الدفتر
ولما تفتح تعديل الزبون، بتلاقي الرصيد الافتتاحي مقفول: صار رقم من الدفتر، وتعديله بيصير بعكس وإعادة، مو بكتابة فوقه.
تعديله بعكس وإعادة🔍 اكبس للشاشة كاملة السقف الائتماني
أمّا السقف فبتعدّله عادي. منخلّي سقف أبو خالد تلاتين ألف، ومنحفظ التعديل.
30,000🔍 اكبس للشاشة كاملة الزبائن
وبقائمة الزباين صار كل زبون بحسابه ورصيده.
كل زبون بحسابه ورصيده موردين إلهم علينا
مورّد جديد
وهلّق الموردين يلي إلهم علينا. من التعاريف، مورّد جديد، أو كونترول إم. وبخانة الرصيد الافتتاحي، ما علينا له: شركة الريّان للمواد الغذائية إلها خمسة وعشرين ألف، ومؤسسة الندى للألبان اتناعش ألف.
الرصيد = ما علينا له🔍 اكبس للشاشة كاملة الموردون
وهي قائمة الموردين بأرصدتهم.
كل مورد برصيده الميزان ورأس المال
الميزان موزون
وهلّق افتح ميزان المراجعة من التقارير: إجمالي المدين تلتمية وسبعة وسبعين ألف، وإجمالي الدائن نفس الرقم. الميزان موزون.
377,000 = 377,000🔍 اكبس للشاشة كاملة رأس مالك 303,000
والفرق كله راح على حساب الأرصدة الافتتاحية: تلتمية وتلاتة آلاف دائن. هاد رأس المال يلي بلّش فيه المتجر: يلي عندك، ناقص يلي عليك.
الأرصدة الافتتاحية — تحت رأس المال🔍 اكبس للشاشة كاملة