02أوّل يوم — وضع العمل · شجرة الحسابات · العملة · الترقيم
الدرس الأول: أوّل يوم بالمتجر. رح نختار وضع العمل، ونتعرّف على شجرة الحسابات الجاهزة وأرقامها، وعملة الدفتر وسعر الدولار، وترقيم المستندات.
وضع العمل
شو بدك من البرنامج؟
أوّل ما تفتح متجر جديد، البرنامج بيسألك: شو بدك منه؟ متجر فقط، لصفحتك وأقسامك وأصنافك. أدير محلّي، للبيع والاستلام ودفتر الديون، والمحاسبة شغّالة بالخلفية. أو محاسبة كاملة.
تلات أوضاع🔍 اكبس للشاشة كاملة محاسبة كاملة
ونحنا محاسبين، فمنختار محاسبة كاملة: اليومية، وشجرة الحسابات، والميزان والميزانية، والإقفال. وإذا غيّرت رأيك بعدين، بتغيّره من زرّ وضع العمل أعلى الشاشة.
اليومية · الشجرة · الميزان · الإقفال🔍 اكبس للشاشة كاملة الشاشة الرئيسية
هي الشاشة الرئيسية. على اليسار أقسام النظام: الكاشير، والقيود اليومية، والمبيعات، والمشتريات، والمخزون، ولوحة التحكم. بالنص نبض اليوم: المبيعات والمشتريات والصندوق. وعلى اليمين الأوامر السريعة.
الأقسام · النبض · الأوامر السريعة شجرة الحسابات
شجرة الحسابات جاهزة
من قائمة التعاريف، دليل الحسابات. الشجرة جاهزة من أوّل يوم. تحت الميزانية: الأصول الثابتة، والمخزون، والمدينون، والأموال الجاهزة، ورأس المال، والدائنون. وكل مجموعة إلها رقم.
التعاريف ← دليل الحسابات الأموال الجاهزة
مثلاً الأموال الجاهزة، رقمها تمنطعش. تحتها الصناديق والمصارف. هون بيعيش الصندوق والبنك، ومنعبّيهن بالدرس الجاي.
الصناديق · المصارف دوّر بالاسم أو بالرقم
وما في داعي تحفظ الأرقام: اكتب اسم الحساب أو رقمه بالبحث، وبيطلعلك فوراً.
ما في داعي تحفظ الأرقام العملة وسعر الدولار
عملة دفترك
من لوحة التحكم، بطاقة الصرف والعملات. عملة الدفتر هون عملة بلدك، ليرة أو جنيه أو دينار أو ريال، وهي الأساسية: كل التقارير والميزان بيطلعوا فيها.
لوحة التحكم ← بطاقة الصرف والعملات سعر دولارك
وتحتها سعر الدولار عندك. بتكتبه بإيدك، وبتكبس طبّق سعري، فبتتسعّر أصنافك المربوطة بالدولار فيه. والفاتورة بعملة أجنبية بتتسجّل بالدفتر بمقابلها بعملة بلدك وقتها.
بتكتبه أنت · طبّق سعري على أصنافي الدولارية ترقيم المستندات
ترقيم المستندات
ومن لوحة التحكم كمان، ثوابت البرنامج: ترقيم الفواتير والسندات. الرقم التالي هون هو عند الخادم، لأن جهازك حاجز كم رقم لقدّام، لحتى يضلّ يرقّم ولو انقطع النت. وإذا بدك تبلّش من رقم معيّن، بتكتبه وبتكبس ابدأ من هون.
لوحة التحكم ← ثوابت البرنامج🔍 اكبس للشاشة كاملة لغة مستنداتك
وتحتها لغة مستنداتك، يعني شو بيطلع عالورقة يلي بتوصل لزبونك: عربي، أو إنكليزي، أو الاتنين مع بعض.
عربي · إنكليزي · الاتنين