10التسعير — الشرائح · التسعير الآلي · الخوارزمية · السعر الخاص · التكلفة
الدرس التاسع: التسعير. المفرق والجملة وجملة الجملة، وخوارزمية التسعير من التكلفة، والسعر الخاص لزبون، وطرق حساب التكلفة.
الشرائح
تلات شرائح
كل صنف إله تلات أسعار: المفرق، والجملة، وجملة الجملة. وكلّهم بمكان واحد: جدول التسعير السريع، من قائمة المخزون.
مفرق · جملة · جملة الجملة🔍 اكبس للشاشة كاملة من كم قطعة؟
وتحت كل شريحة عتبتها: الجملة من كم قطعة. المياه مثلاً، جملة من ست قطع.
عتبة الجملة🔍 اكبس للشاشة كاملة الكاشير لحاله
وبالكاشير ما في شي تعمله: لما وصلت الكمية لست، السطر صار سبعة وعشرين لحاله. والكاشير بيقدر يعدّل سعر السطر بالقلم إذا عنده صلاحية.
6 قطع ⇐ 27🔍 اكبس للشاشة كاملة التسعير الآلي
هامشك على التكلفة
وعمود الهامش بيقلّك بنظرة: أخضر يعني سليم، وكهرماني تحت الهامش يلي حاطه هدف، وأحمر تحت التكلفة.
أخضر سليم · كهرماني تحت هدفك🔍 اكبس للشاشة كاملة ☑ تسعير آلي
وإذا أشّرت على تسعير آلي، الصنف بيصير يتبع تكلفته: كل ما اشتريت بسعر جديد، بيتحدّث سعر بيعه لحاله. أشّرنا على المنظّفات التلاتة.
السعر = التكلفة × (1 + الهامش) الخوارزمية
خوارزمية التسعير
بس مو كل الأصناف بنفس النسبة. من خوارزمية التسعير بتعمل شرائح: تكلفته من كم لأقل من كم، وإلها نسبة مفرق وجملة وجملة جملة.
نسبة حسب التكلفة🔍 اكبس للشاشة كاملة الرخيص نسبته أعلى
لسوبرماركت: الصنف يلي تكلفته أقل من مية، ربحه تلاتين بالمية. من مية لألف، عشرين. وكل ما غلي الصنف قلّت النسبة، لأن الرخيص كيشه بطيء والغالي بيبيع بربح أقل.
وكل ما غلي قلّت احفظ وطبّق
احفظ وطبّق، وكل صنف مؤشّر آلي بيتسعّر بشريحته: سائل الجلي تكلفته تمانين صار بمية وأربعة، والمسحوق بأربعمية وخمسة وخمسين. والصنف يلي سعّرته بإيدك ما بينمسّ.
المؤشَّر آلي بس🔍 اكبس للشاشة كاملة السعر الخاص
سعر خاص لزبون
وفي زبون إله اتفاق خاص؟ من قائمة الزبائن، النقاط التلاتة جنب أبو خالد، الأسعار الخاصة.
من قائمة الزبائن🔍 اكبس للشاشة كاملة رز بـ570
منختار الرز، ومنكتب سعره الخاص خمسمية وسبعين بدل ستمية، والسبب: زبون دائم بيشتري بالشوال. وهالسعر بيغلب شريحته، لإله وحده.
بدل 600🔍 اكبس للشاشة كاملة التكلفة
طريقة التكلفة
وآخر شي، التكلفة نفسها كيف بتنحسب، من بطاقة الصنف: يدوي، أنت بتكتبها. أو من آخر فاتورة شراء. أو متوسط المشتريات. أو متوسط الشراء بالدولار، للبضاعة يلي بتشتريها بالدولار. وللصنف المصنّع في طريقة خامسة: من التصنيع، بتتبع وصفته.
يدوي · آخر فاتورة · متوسط · متوسط بالدولار