04فاتورة البيع — كل الطرق
أهلاً فيك بدروس أوبرا بلاس. بهالدرس رح نتعلّم فاتورة البيع بكل طرقها: نقدي، وآجل، ودفعة والباقي آجل، والحسم، ووين بتنزل المصاري.
فتح الفاتورة
رقم المستند قبل الحفظ
من قائمة الأقسام اكبس المبيعات. فوق بتشوف رقم المستند ورقم القيد من قبل ما تحفظ، فبتقدر تكتبه على ورقة الفاتورة. وإذا سبقك جهاز تاني وتبدّل الرقم وقت الحفظ، البرنامج بيقلّك الرقمين.
ورقم القيد جنبه🔍 اكبس للشاشة كاملة المواد
اكتب أو امسح
بخانة المادة اكتب أول حروفها أو امسح الباركود، واختار من القائمة. وجنب كل مادة رصيدها بالمخزون.
وجنب كل مادة رصيدها🔍 اكبس للشاشة كاملة الكمية والوحدة
حطّ الكمية، والسعر بيجي من بطاقة المادة. وإذا بتبيع كرتونة أو طرد، اختار الوحدة من المنسدلة، فالمخزون بينقص صح. والإجمالي بيتحسب لحاله.
الإجمالي بيتحسب لحاله🔍 اكبس للشاشة كاملة نقدي
نقدي
هيك البيعة نقدي: المبلغ المقبوض بيساوي الإجمالي، فما بينفتح دين على حدا. وتحت بتشوف التفقيط بالعربي.
المقبوض = الإجمالي ⇒ ما في دين🔍 اكبس للشاشة كاملة وجهة القبض
وجهة القبض
وجهة القبض بتحدّد على أي حساب بتنزل المصاري بالدفتر: الصندوق، أو الحساب البنكي، أو المحفظة الإلكترونية. وإذا قبضت على المحفظة وخلّيتها صندوق، بيطلع جرد الدرج غلط.
صندوق · بنك · محفظة🔍 اكبس للشاشة كاملة الحسم
الحسم
بدك تعطي الزبون حسم؟ اكتبه بخانة الحسم الممنوح، والمقبوض بينزل معه لحاله. والحسم الكبير ما بيمنعك، بس بيطلعلك تأكيد كم بينقص من ربحك.
المقبوض بينزل معه لحاله🔍 اكبس للشاشة كاملة آجل
طريقة الدفع: آجل
إذا الزبون رح يدفع بعدين، افتح طريقة الدفع واختار آجل.
نقداً أو آجل (دين)🔍 اكبس للشاشة كاملة منتقي الزبون لحاله
البرنامج بيصفّر المقبوض وبيفتحلك منتقي الزبائن لحاله، لأنو الدين لازم يكون على اسم. وجنب كل زبون شو عليه، وفيك تضيف زبون جديد من هون.
الدين لازم يكون على اسم الدين على الزبون
اخترنا أبو أحمد الشامي: الوجهة صارت ذمّته، وتحت بيقلّك رصيده هلّق وكم بيصير بعد الحفظ. وحتى لو نسيت الزبون وكبست حفظ، البرنامج بيقلّك بيع الدين يحتاج عميل، وبيفتحلك الزبائن.
رصيده هلّق وبعد الحفظ🔍 اكبس للشاشة كاملة دفعة والباقي آجل
دفعة والباقي آجل
دفع شي وبقي شي؟ اكتب يلي قبضته بالمبلغ المقبوض. الباقي بيصير دين على الزبون، وبتطلعلك وجهة قبض الدفعة لتختار وين دخلت المصاري.
ووجهة قبض الدفعة🔍 اكبس للشاشة كاملة الحفظ
الحفظ
وبالأخير: حفظ الفاتورة، أو إف تسعة. حفظ وطباعة، إف عشرة. ومشاركة بتبعت آخر فاتورة بي دي إف على الواتساب. والحفظ بيصير على جهازك فوراً حتى بلا نت، وبكبسة وحدة بينقص المخزون، وبينزل القيد، وبينفتح الدين على الزبون.
حفظ F9 · طباعة F10 · مشاركة🔍 اكبس للشاشة كاملة