01عيادة الأسنان بالكامل — يوم الدكتور من أوّل حركة لآخر حركة
أهلاً فيك بدروس أوبرا بلاس. هالفيديو بيشرحلك عيادة الأسنان كاملة، من أوّل حركة الصبح لآخر حركة. بس قبل ما نبلّش، خلّيني قلّك ليش أوبرا بلاس هو الأفضل لعيادتك.
الكرسي بشاشة وحدة
أوّل شي: كل شغل الدكتور بشاشة وحدة. المريض على الكرسي، وتنبيه حساسيته قدّامك، ومخطط أسنان باتنين وتلاتين سن. بتسجّل العلاج على السن، وبتقبض حقّه من نفس الشاشة.
٣٢ سن · تنبيه الحساسية · القبض من الكرسي المواعيد من تطبيق المريض
تاني شي: المواعيد. المريض بيطلب موعد من تطبيقه، وإنت بتقبل أو بتقترح وقت تاني، والفراغات بجدولك بتبيّن، وتذكير المواعيد برسالة جاهزة على الواتساب.
قبول · وقت بديل · تذكير بالواتساب محاسبة حقيقية
تالت شي: محاسبة حقيقية، مو دفتر ملاحظات. كل جلسة وكل دفعة بتنزل قيد بالدفتر لحالها، وما في شي بينمحى: الإلغاء بقيد عكس، فحساباتك بتضل نظيفة وقابلة للتدقيق.
كل مبلغ قيد · والإلغاء بقيد عكس🔍 اكبس للشاشة كاملة أقساط وذمم
رابع شي: الأقساط والذمم. بتقسّط للمريض بدفعة أولى وأقساط، والبرنامج بيقلّك مين متأخّر، وبيجهّزلك رسالة المطالبة على الواتساب.
والمطالبة برسالة واتساب جاهزة🔍 اكبس للشاشة كاملة ربحان ولا خسران؟
وخامس شي: آخر الشهر بتعرف إذا ربحان ولا خسران برقم واحد، ومن وين إجا الإيراد، ووين راحت المصاريف.
رقم واحد آخر الشهر — وتفصيله الصبح: لوحة اليوم
وكل هالشي بالعربي وبلغتنا، على الموبايل والكمبيوتر والمتصفّح، والأون لاين مجاني. ويلي عنده عيادة بيطرية أو تجميل، نفس البرنامج بلغة عيادته. يلا نبلّش يوم الدكتور.
لوحة اليوم
بتفتح البرنامج فبتدخل على عيادتك مباشرة، بخمس أقسام: اليوم، والمرضى، والتقويم، والواجهة، والمحاسبة. وأوّل شي الصبح لوحة اليوم: كم موعد وكم انجز، ومين بالانتظار، والموعد التالي، ومين ما حضر، ودخل اليوم.
اليوم F1 · المرضى F2 · التقويم F3 · الواجهة F4 · المحاسبة F6🔍 اكبس للشاشة كاملة جدول اليوم والفراغات
وتحت جدول اليوم: كل موعد بوقته ومدّته وسببه وحالته. وأي فراغ ربع ساعة أو أكتر بين موعدين بيطلع سطر لحاله، فبتعرف وين فيك تحجز بدل ما يضيع الوقت.
كل فراغ ربع ساعة أو أكتر بيبيّن عرض البطاقات
وبكبسة بتبدّل لعرض البطاقات: كل موعد ببطاقة، وجنبه المحادثة مع المريض، وتعديل الموعد، وتغيير الحالة.
محادثة · تعديل الموعد · تغيير الحالة🔍 اكبس للشاشة كاملة حالة الموعد بلمسة
حالة الموعد بلمسة: مؤكّد، أو وصل وصار بالانتظار، أو على الكرسي، أو مُنجَز، أو لم يحضر، أو ملغى. وكل حالة بتحدّث أرقام اللوحة فوق.
مؤكّد · وصل · على الكرسي · مُنجَز · لم يحضر · ملغى🔍 اكبس للشاشة كاملة طلبات المواعيد
وإذا مريض طلب موعد من تطبيقه، بيطلعلك بطلبات المواعيد مع وقته وشكوته. وعندك تلات احتمالات. الأوّل قبول: فبيتثبّت بجدولك، وإذا الدكتور مشغول بنفس الوقت، بيقلّك اقترح وقت تاني.
قبول · وقت آخر · رفض الطلب🔍 اكبس للشاشة كاملة التاني: وقت آخر
التاني وقت آخر: بتختار اليوم والساعة والمدة، وبتكتب ملاحظة للمريض، وبتكبس إرسال الوقت المقترح، فبيضل الطلب بانتظار قبول المريض. والبرنامج ما بيقبل وقت أقرب من عشر دقايق من هلّق.
اليوم · الساعة · المدة · ملاحظة التالت: رفض الطلب
والتالت رفض الطلب: البرنامج بيسألك قبل، وإذا أكّدت، الطلب بينلغى وبيختفي من القائمة، وبتنلغى تذكيراته.
بيسألك قبل — والتذكيرات بتنلغى🔍 اكبس للشاشة كاملة تذكير المواعيد
ومن زر ذكّر المرضى بمواعيدهم، بتطلعلك رسالة لكل موعد اليوم أو بكرا، باسم صاحبه ووقته. الواتساب بينفتح من جهازك والرسالة جاهزة، بتراجعها وبتكبس إرسال إنت.
اليوم وبكرا — الرسالة جاهزة🔍 اكبس للشاشة كاملة أزرار اللوحة
وبرأس اللوحة أزرار: مهامّي، وربحان ولا خسران، وجرد المواد، وشغل المخبر بعدّاده، والطاقم والصلاحيات، وكتالوج الإجراءات. وتحت: الأقساط، والصيدلية، والتذكير. ورح نمرق عليهم كلهم.
مهامّي · الربح · الجرد · المخبر · الطاقم · الكتالوج🔍 اكبس للشاشة كاملة المرضى ومريض جديد
سجلّ المرضى
بقسم المرضى في سجل كل مرضاك. بتدوّر بالاسم أو الهاتف، وكل صف بيقلّك هاتفه وعمره وآخر زيارة وشو عليه.
الهاتف · العمر · آخر زيارة · الدين عليهم ديون
وفلتر عليهم ديون بيجمعلك كل المدينين بكبسة وحدة. وجنبه مطالبة الذمم، والمرضى المؤرشفين إذا بدك ترجع لملف قديم.
المدينين بكبسة🔍 اكبس للشاشة كاملة مريض جديد
لتضيف مريض اكبس زائد مريض جديد. الاسم والهاتف مطلوبين، وعلى الموبايل فيك تجيبهم من جهات الاتصال. ورقم الواتساب لازم إذا بدك تطالبه بالذمم.
الاسم والهاتف — أو من جهات الاتصال دَين سابق؟
وإذا المريض عليه دين من قبل ما تبلّش بالبرنامج، اكتبه بالذمّة الافتتاحية. بينزل قيد افتتاحي بدفترك، وبيطلع بكشف حسابه وبالمطالبة، فما بيضيع. وبعدها العمر والجنس.
قيد افتتاحي بدفترك السجل الطبي
وهون أهم قسم، السجل الطبي: الحساسيات، والأمراض المزمنة، والأدوية الحالية متل مميّع الدم، وفصيلة الدم. والحساسيات بتطلعلك تنبيه أحمر على الكرسي قبل التخدير والوصفة.
بيطلع تنبيه قبل التخدير والوصف🔍 اكبس للشاشة كاملة اكبس حفظ
وآخر شي حفظ، أو إف تسعة من الكيبورد. والبطاقة بتنحفظ على الجهاز أوّلاً، وإذا ما في نت بتترحّل لحالها أوّل ما يرجع.
أو F9 — وبلا نت بيترحّل لحاله انحفظت
حفظنا، وهاد ملف سارة: عليها خمس آلاف من الذمّة الافتتاحية، وحساسية البنسلين بالأحمر بسجلها الصحي.
ملفها جاهز ملف المريض
ملف المريض
بتكبس على المريض بينفتح ملفه بأربع تبويبات: نظرة عامة، والزيارات، والمالية، ومخطط الأسنان. وفوق: تعديل الملف، واتصال، وواتساب، ومطالبة بالرصيد المستحق. وتحت زر فتح الكرسي.
نظرة عامة · الزيارات · المالية · مخطط الأسنان🔍 اكبس للشاشة كاملة السجل الصحي
وبنظرة عامة السجل الصحي بألوانه: الحساسيات بالأحمر، والأمراض المزمنة، والأدوية الحالية. هون مثلاً المريض على أسبرين وكلوبيدوغريل، يعني مميّع دم، والطبيب بيشوفها قبل أي خلع.
حساسيات · أمراض مزمنة · أدوية حالية الزيارات
بالزيارات بتشوف كل مواعيده وزياراته بخط زمني: الشكوى، والمدة، ومع أي دكتور. ومن هون كمان موعد جديد.
خط زمني · وموعد جديد🔍 اكبس للشاشة كاملة المالية
وبالمالية: إجمالي المدفوع والمتبقّي عليه، وسجل دفعاته، وتسجيل دفعة جديدة. وكل دفعة بتنحفظ مع سعر الصرف وقتها، فلو تغيّر السعر بعدين، الدفعات القديمة ما بتتأثّر.
كل دفعة بسعر صرف وقتها حجز موعد
التقويم
بالتقويم بتشوف مواعيد اليوم على شريط زمني، كل موعد بلون حالته. وبتتنقّل باليوم السابق واليوم التالي، أو بتختار تاريخ.
شريط زمني لكل يوم🔍 اكبس للشاشة كاملة كبسة على الموعد
كبسة على أي موعد بتعطيك أزراره: وصل، على الكرسي، مُنجَز، لم يحضر، أو إلغاء، وفتح ملف المريض.
وصل · على الكرسي · مُنجَز · لم يحضر · إلغاء حجز موعد سريع
ولتحجز موعد اكبس زائد موعد: بينفتح حجز موعد سريع، بتدوّر عن المريض بالاسم أو الهاتف وبتختاره.
دوّر عن المريض بالاسم أو الهاتف المدة ونوع الموعد
بعدين اليوم والساعة، والمدة من ربع ساعة لساعة ونص، ونوع الموعد: كشف، أو علاج، أو متابعة، أو طوارئ، أو صيانة دورية. وبتكبس حفظ الموعد.
كشف · علاج · متابعة · طوارئ · صيانة دورية تعديل الموعد
ومن تعديل الموعد بتغيّر يومه ووقته ومدته وحالته، وسبب الزيارة، وملاحظات العيادة.
الوقت · المدة · الحالة · السبب الكرسي
شاشة الكرسي
هلّق المريض وصل لعندك. من ملفه اكبس فتح الكرسي. شاشة الكرسي فيها كل شي: اسمه وعمره، وجلسته القادمة، وتنبيهه، وذمّته، ومخطط أسنانه.
المريض · الجلسة القادمة · التنبيه · الذمّة🔍 اكبس للشاشة كاملة تنبيه الحساسية
شوف التنبيه بالأحمر: هالمريض عنده حساسية من السلفا. بيطلعلك هون قبل ما تخدّر أو توصف. معلومة بتنقذ حياة، ما بتضل مدفونة بالملف.
قبل التخدير والوصفة ذمّته قدّامك
وذمّة المريض قدّامك قبل ما تسجّل أي مبلغ، ومنها بتفتح كشفه. وإذا عليه خطة تقسيط، بيقلّك إنو المطالبة بس بالأقساط يلي حان وقتها.
قبل ما تسجّل أي مبلغ مخطط ٣٢ سن
ومخطط الأسنان: اتنين وتلاتين سن بترقيم إف دي آي، الفك العلوي والسفلي، كل سن بشكله وملوّن بحالته، والألوان إلها وسيلة إيضاح. وفوقه بيقلّك كم سن بدّو اهتمام.
ترقيم FDI · كل سن بشكله ولونه اكبس السن
اكبس على السن، بتنفتح ورقته. أوّل شي اختار الحالة: سليم، أو تسوس مخطّط أو منفّذ، أو حشوة، أو تاج، أو سحب عصب، أو خلع، أو زرعة، أو جسر، أو مفقود.
واختر حالته🔍 اكبس للشاشة كاملة الأسطح المصابة
بعدين الأسطح المصابة، وهي اختيارية: خدّي، وأنسي، والطاحن، ووحشي، ولساني. ويلي بتختاره بينكتب جنبها. وتحتها ملاحظة سريرية إذا بدك.
خدّي · أنسي · طاحن · وحشي · لساني🔍 اكبس للشاشة كاملة التاج بنوعه
وإذا اخترت تاج، البرنامج بيطلب منك نوعه: تاج زيركون أو تاج خزف، وما بيحفظ قبل ما تختار.
زيركون أو خزف🔍 اكبس للشاشة كاملة السعر من قائمتك
وتكلفة العلاج بتنزل لحالها من قائمة أسعارك، وبتعدّلها إذا بدك. وتحتها شرائح إجراءاتك بأسعارها، وفيك تضيف بند تاني على نفس السن، متل تنظيف مع التلبيس.
بتعدّله · وبند تاني على نفس السن حسم ممنوح
وبعد السعر في حسم ممنوح، مطوي لحتى تكبسه. هون حسمنا خمسمية، فبيقلّك: المريض بيدفع تسعة آلاف ومية بدل تسعة آلاف وستمية. والحسم ما بيقدر يكون قد السعر أو أكبر.
والصافي قدّامك القبض من الكرسي
١ — نقدي
كيف بدّو يدفع؟ عندك تلات احتمالات. الأوّل نقدي: المبلغ بينسجّل مقبوض بالصندوق.
مقبوض بالصندوق🔍 اكبس للشاشة كاملة ٢ — على الحساب
التاني على الحساب: المبلغ بينضاف لذمّة المريض، دين بتطالبه فيه بعدين.
دين بذمّة المريض🔍 اكبس للشاشة كاملة ٣ — تقسيط
والتالت تقسيط: بتكتب الدفعة الأولى نقداً، وعدد الأقساط، والدورية: أسبوعي، أو نصف شهري، أو شهري. والبرنامج بيحسبلك قديش كل قسط، وكل كم يوم.
دفعة أولى · عدد الأقساط · الدورية🔍 اكبس للشاشة كاملة ناوَلك أكتر؟
وانتبه لحاسبة الدفعة الأولى. إذا ناولك عشرة آلاف والمستحق تسعة آلاف ومية، بيقلّك رُدّ للعميل تسعمية، وبيسجّل المستحق بس.
بيقلّك قديش ترجّعله🔍 اكبس للشاشة كاملة ناوَلك كل المبلغ
وإذا ناولك المبلغ كله، بيقلّك سدّد كاملاً، وما في شي يتقسّط.
سدّد كاملاً — ما في شي يتقسّط🔍 اكبس للشاشة كاملة ناوَلك أقل
وإذا ناولك تلات آلاف بس، بيقلّك بيبقى عليه ستة آلاف ومية، وهاد هو يلي بيتقسّط. والأقساط يلي ما حان وقتها ما بتدخل بمطالبة الذمم.
الباقي بيتقسّط🔍 اكبس للشاشة كاملة حفظ وإنشاء تقسيط
وآخر شي حفظ وإنشاء تقسيط، أو حفظ وتسجيل التكلفة إذا كان نقدي أو على الحساب. وإذا انقطع النت بنص التسجيل، البرنامج ما بيسجّلها مرتين: بيسألك تكمّل يلي ما تأكّد، أو تتجاهله.
أو حفظ وتسجيل التكلفة انحفظ التاج
حفظنا تاج خزف على السن سبعة وأربعين بالتقسيط، مع شغل مخبر: السن انلوّن بلون التاج، والذمّة صارت على خطة تقسيط، وتحت انسجّل طلب المخبر.
السن انلوّن · خطة تقسيط · طلب مخبر علاج السن ٤٧
وبورقة السن: التكلفة تسعة آلاف وستمية، والمدفوع الدفعة الأولى تلات آلاف، والمتبقّي ستة آلاف وستمية.
التكلفة · المدفوع · المتبقّي الخطة نزلت
وبمالية المريض نزلت الخطة: تلات أقساط، كل قسط ألفين وميتين، وأوّلها بيستحق بعد شهر.
٣ أقساط × ٢٬٢٠٠ الجسر
والجسر بتختار أسنانه مرة وحدة: كبسة على سن جنبه بتضيفه، وعلى طرفه بتشيله، وكل سن دعامة أو فراغ، والسعر واحد للجسر كله. وفوق علاجه: التكلفة والمدفوع والمتبقّي.
دعامة · فراغ — وسعر واحد سن متعالج
ولما تفتح سن متعالج، بتشوف علاجه: التكلفة، والمدفوع، والمتبقّي، وذمّة المريض كلها. اكبس للتفصيل، بتشوف كل حركة وبتقدر تلغي أي وحدة. ومن هون كمان حسم على الذمّة.
التكلفة · المدفوع · المتبقّي إجراءات الفك
وفي إجراءات للفك كله مو لسن واحد: التقويم والجهاز المتحرك، للفك العلوي أو السفلي أو الاتنين. نفس الشي: السعر من قائمتك، ونقدي أو على الحساب أو تقسيط.
تقويم · جهاز متحرك🔍 اكبس للشاشة كاملة المخبر
في شغل مخبر؟
وإذا السن بدّو شغل مخبر، متل تلبيسة أو جسر، شغّل في شغل مخبر لهالسن قبل الحفظ، ونفس الشي بإجراءات الفك لجهاز التقويم. بينسجّل طلب المخبر جاهز باسم المريض ورقم السن، بلا ولا كلمة إدخال.
تلبيسة · جسر · جهاز تقويم شغل المخبر
وكل طلبات المخبر بشغل المخبر من رأس اللوحة، بتلات سلال: بانتظار الإرسال، وعند المخبر، وخلصت. وهاد طلب التاج يلي حفظناه، باسم المريض ورقم السن. ويلي بيضل نايم، بيطلعلك تنبيه بمهامّك.
بانتظار الإرسال · عند المخبر · خلصت🔍 اكبس للشاشة كاملة الجلسة القادمة
الجلسة القادمة
وقبل ما يقوم عن الكرسي، احجزله الجلسة القادمة: بكرا، أو بعد أسبوع أو شهر، أو اختار يوم، والساعة والمدة. والبرنامج بيعرضلك مواعيد هاليوم حتى ما تتداخل.
بكرا · بعد أسبوع · بعد شهر · أو اختر يوم موعد إضافي
وإذا عنده موعد قادم، بتختار: تنقل هالموعد، أو موعد إضافي. هون موعد إضافي بعد أسبوعين، جلسة علاج، وكتبنا: تركيب تاج الخزف. وبتكبس احجز.
جلسة علاج · بعد أسبوعين🔍 اكبس للشاشة كاملة انحجز
وانحجز: البرنامج بيقلّك وصل حجز جديد للعيادة، وبيطلع بالتقويم بيومه.
بجدول العيادة وتقويمها🔍 اكبس للشاشة كاملة الزيارة والوصفة والصور
ملاحظة الزيارة
ومن ملف المريض الكامل بتكتب ملاحظة الزيارة: الشكوى، وشو انعمل، والتشخيص، وإذا بدّو متابعة، وتحتها زياراته القديمة. والبرنامج بيتعلّم كتابتك، فبتصير اقتراحك المرة الجاية.
الشكوى · شو انعمل · التشخيص · المتابعة الوصفة
وبالوصفة اكبس وصفة طبية جديدة: بتكتب أول حروف الدواء، فبتنملّى الجرعة والتكرار والمدة لحالها، وبتعدّلهن. وبتطبعها، أو بتبعتها PDF أو واتساب للمريض.
الجرعة بتنملّى — وواتساب أو طباعة صور وأشعة
وبالصور بتصوّر بالكاميرا أو بتاخد من المعرض، صورة قبل وبعد أو أشعة، مع تصنيف ووصف.
كاميرا · من المعرض🔍 اكبس للشاشة كاملة تسجيل إجراء
وبالإجراءات، كل إجراء من كتالوجك شريحة بسعرها، بتكبسها فبينسجّل الإجراء المنفّذ، وتحت قائمة الإجراءات المنفّذة برقم فاتورتها.
شريحة من الكتالوج🔍 اكبس للشاشة كاملة الدفعات والحسم
تسجيل دفعة
رجعنا للمال. من مالية المريض اكبس تسجيل دفعة جديدة. بتكتب المبلغ، والعملة مع سعر الصرف، وطريقة الدفع: نقداً، أو بطاقة، أو حوالة، أو محفظة، وملاحظة إذا بدك.
المبلغ · العملة · نقداً · بطاقة · حوالة · محفظة ناوَلك أكتر
وهون كمان الحاسبة. المطلوب منه أربعة وعشرين ألف وميتين، وناولك تلاتين ألف: بيقلّك رُدّ للعميل خمس آلاف وتمنمية، وبيسجّل بالدفتر المطلوب بس.
قديش ترجّعله🔍 اكبس للشاشة كاملة سدّد كاملاً
وإذا ناولك قد المطلوب، بيقلّك سدّد كاملاً، وحسابه بيصير صفر بعد هالدفعة.
حسابه بيصير صفر🔍 اكبس للشاشة كاملة دفعة جزئية
وإذا ناولك عشرة آلاف بس، بيقلّك بيبقى عليه أربعتعشر ألف وميتين. وإذا أصلاً ما عليه شي، الدفعة بتنسجّل دفعة مقدّمة، رصيد إله عندك.
بيقلّك قديش بيبقى عليه🔍 اكبس للشاشة كاملة انسجّلت الدفعة
وبتكبس تسجيل الدفعة: بتطلع بسجل دفعاته، والمدفوع والمتبقّي بيتحدّثوا لحالهم.
المدفوع والمتبقّي اتحدّثوا كشف المريض
وكشف المريض فيه كل حركاته: مجموع المعالجات، والدفعات والإلغاءات، والذمّة الآن. وكل حركة برقم فاتورتها والذمّة بعدها. وبتطبعه أو بتشاركه.
المعالجات · الدفعات · الذمّة الآن خيارات الجلسة
ومن خيارات أي جلسة بالكشف: بتفتح سنّها على الكرسي، أو حسم على هالجلسة، أو قسّط الذمّة بلا فاتورة جديدة.
افتح السن · حسم · قسّط الذمّة حسم على جلسة
الحسم على الجلسة بينقص من ذمّته، ومن أقساط الجلسة إذا كانت مقسّطة، ومعه سبب إذا بدك. وإذا بدك تلغيه، بيرجع لذمّته بقيد عكس، والحسم وعكسه بيضلّوا ظاهرين بالكشف.
وإلغاؤه بقيد عكس حسم على الذمّة
وفي كمان حسم على الذمّة كلها، مو على جلسة، متل لما بدك تسامحه بمبلغ من مجموع دينه. والبرنامج بينبّهك إذا الحسم صار نص ذمّته أو أكتر، بس ما بيمنعك.
من دينه كله — مو من جلسة🔍 اكبس للشاشة كاملة الأقساط
قسّط الذمّة
وإذا المريض عليه ذمّة كبيرة، فيك تقسّطها بلا فاتورة جديدة: المبلغ، وعدد الأقساط، وأسبوعي أو كل أسبوعين أو شهري. وبيقلّك قديش كل قسط، ومتى أوّل واحد.
بلا فاتورة جديدة خطط التقسيط
وبمالية المريض خطط التقسيط: هون القسط التاني متأخّر من خمسة عشر تشرين. بتكبس سدّد القسط، أو واتساب برسالة جاهزة بمبلغه.
سدّد القسط · واتساب🔍 اكبس للشاشة كاملة صفحة الأقساط
وصفحة الأقساط بتجمعلك كل الخطط بالعيادة: كم خطة، وكم متأخّر، وكم باقي. وبتفلترها متأخّر أو هالأسبوع أو الكل، وبتشاركها واتساب أو إكسل.
متأخّر · هالأسبوع · الكل🔍 اكبس للشاشة كاملة الذمم والمتابعة
مطالبة الذمم
ومطالبة الذمم بتجمعلك كل مين عليه دين بمبلغه المستحق، وبتختار مين بدك تطالب، وبتكبس جهّز واتساب. ويلي كل دينه أقساط لسّا ما حان وقتها، البرنامج ما بيطالبه.
رسالة جاهزة بالمبلغ لكل مدين🔍 اكبس للشاشة كاملة المراجعات الدورية
والمراجعات المستحقّة: مين حان فحصه الدوري ومن قديش متأخّر، مع تذكير واتساب برسالة ودّية، وفتح ملفه.
تذكير ودّي بالواتساب مهامّي
ومهامّي جدول لكل الأيام: مهام بتكتبها إنت، مستعجلة أو عادية، ومهام بتتولّد لحالها، متل قسط متأخّر، أو شغل مخبر لسّا ما انبعت.
يدوية وتلقائية — متأخّرة · اليوم · بكرا🔍 اكبس للشاشة كاملة محاسبة العيادة
محاسبة العيادة
وبقسم المحاسبة: الإيرادات، والمشتريات، وذمم المرضى، وذمم الموردين، والصافي المقدّر، بنظرة وحدة.
إيرادات · مشتريات · ذمم · صافي🔍 اكبس للشاشة كاملة دفتر اليومية
وكل مبلغ بالعيادة، جلسة أو قبض أو رصيد افتتاحي أو بيع، بينزل بدفتر اليومية الموحّد لحاله، هون واحد وخمسين قيد. ومن افتح اليومية بتشوفها كلها، وبتكتب قيد بإيدك إذا لزم.
كل مبلغ بينزل لحاله متجر العيادة
وزر مبيعات منتجات من اللوحة بيفتحلك متجر العيادة الكامل: الكاشير، والصندوق، والمبيعات، والمخزون، والقيود، لتبيع أدوية ومنتجات من مخزونك.
كاشير · مخزون · مبيعات · قيود🔍 اكبس للشاشة كاملة جرد المواد
وجرد المواد: بتعدّ يلي باقي على الرف، والبرنامج بيحسب المستهلَك وكلفته. والجرد بيتبنى من فواتير الشراء، فبيبيّن بعد ما تتسجّل مشترياتك.
عُدّ يلي على الرف — والباقي بيتحسب🔍 اكبس للشاشة كاملة ربحان ولا خسران
وربحان ولا خسران: نتيجة الشهر برقم واحد، وتحته الإيراد، وكلفة المواد، وبقية المصاريف، ومن وين الإيراد ووين راحت. وإذا ما عملت جرد، بينبّهك إنو الربح طالع أعلى من الحقيقة.
الإيراد · المواد · المصاريف · الربح🔍 اكبس للشاشة كاملة العروض والتسعير
التسعير العام
التسعير العام بالعيادة من كتالوج الإجراءات: بتكبس الإجراء وبتعدّل اسمه وفئته ومدته وسعره. والسعر مبدئي، فيك تغيّره لكل مريض وقت الجلسة.
سعر كل إجراء بكتالوجك🔍 اكبس للشاشة كاملة العروض بالعيادة
والعروض للمرضى بالحسم: على السن وقت التسجيل، أو على الجلسة، أو على الذمّة كلها.
حسم على السن · الجلسة · الذمّة الخوارزمية والحملات
أما خوارزمية التسعير من التكلفة، وحملات العروض، فهي لمنتجات متجر العيادة من قائمة المخزون، مو لإجراءات الطبيب: سعر الإجراء بتحطّه إنت.
لمنتجات متجر العيادة🔍 اكبس للشاشة كاملة تجهيز العيادة
الطاقم والصلاحية المالية
بالطاقم والصلاحيات بتشوف طاقمك، ومفتاح الصلاحية المالية بإيد مالك العيادة بس: يلي ما عنده ياها ما بيلغي دفعة، ولا بيكتب قيد، ولا بيرحّل جرد، بس بيسجّل مرضى ومواعيد وبيقبض عادي.
المفتاح بإيد مالك العيادة كتالوج الإجراءات
وكتالوج الإجراءات: كل إجراء باسمه وسعره ومدته وفئته. وإذا الكتالوج فاضي، بكبسة بتنزّل تلاتعشر إجراء أسنان شائع بأسعار مبدئية. والكتالوج هو يلي بيخلّي تسجيل الجلسة كبسة وحدة.
الاسم · السعر · المدة · الفئة🔍 اكبس للشاشة كاملة واجهة عيادتك
وبالواجهة بتجهّز صفحة عيادتك: صورة البروفايل، وصورة الغلاف، وساعات العمل لكل يوم من الأسبوع، مفتوح أو مغلق. فالمريض بيشوفها، وبيطلب موعد من تطبيقه.
صورة البروفايل · الغلاف · ساعات العمل