07التسعير والعروض — مكياج وعناية
ليش أوبرا بلاس؟ لأنو سعرك بيطلع من تكلفتك بقاعدة إنت بتحطّها، والعروض ما بتنزّلك تحت التكلفة. بهالدرس: التسعير العام، وخوارزمية التسعير، وحملة عروض.
التسعير العام
جدول التسعير السريع
من المخزون: جدول التسعير السريع. كل صنف سطر: تكلفته وطريقتها، وهامشه، والمفرق والجملة وجملة الجملة. وبتعدّل أي سعر بخانته، وبينحفظ لحاله.
كل صنف سطر🔍 اكبس للشاشة كاملة عتبة الكمية
وتحت الجملة وجملة الجملة: عتبة الكمية، يعني السعر من كم قطعة. وفوق الجدول هوامشك العامة، وخطوة التقريب.
الجملة من كم قطعة🔍 اكبس للشاشة كاملة خوارزمية التسعير
خوارزمية التسعير
خوارزمية التسعير: شرائح حسب التكلفة. تكلفته من كم لأقلّ من كم، وكم ربحه: مفرق وجملة وجملة جملة. والرخيص عادةً بيحمل نسبة أعلى.
شرائح حسب التكلفة🔍 اكبس للشاشة كاملة نطاق الشريحة
ولكل شريحة نطاق: أقسام، أو ماركات، أو أصناف بعينها، والأخصّ بيغلب. منضيف شريحة، ومنختار قسم العطور.
قسم · ماركة · صنف🔍 اكبس للشاشة كاملة شريحة العطور
من الصفر لما فوق، مفرق مية وتمانين بالمية. والبرنامج بينبّهك إنها أعلى من غيرها، وهون مقصودة: العطر المصنّع ربحه أعلى.
ما فوق · مفرق ١٨٠٪🔍 اكبس للشاشة كاملة احفظ السلّم
احفظ السلّم: الشرائح صارت فوق الجدول بألوانها، وما في سعر تغيّر لحاله.
والأسعار ما تغيّرت لحالها🔍 اكبس للشاشة كاملة التسعير الآلي
تسعير آلي
وعلى عطر أوبرا منأشّر تسعير آلي: سعره صار من تكلفته، تمنمية وستة وتمانين ضرب اتنين فاصلة تمانية، مدوّر لألفين وخمسمية، والجملة وجملة الجملة من الهوامش فوق. وكل ما تغيّرت تكلفة الوصفة بيلحقها السعر، وإذا كتبت سعر بإيدك بيوقف التسعير الآلي.
السعر = التكلفة × (١ + الهامش)🔍 اكبس للشاشة كاملة حملة عروض
حملة عروض
والعروض: من حملة عروض، حملة جديدة. ومن هون كمان بتحدّث الحملة الشغّالة أو بتنهيها.
جديدة · حدّث · أنهِ🔍 اكبس للشاشة كاملة على شو؟
الحملة على كل المتجر، أو أقسام، أو شركات، أو أصناف. وحسم بالمية من سعر البيع، أو ربح بالمية فوق التكلفة.
متجر · أقسام · شركات · أصناف🔍 اكبس للشاشة كاملة أرضية التكلفة
قسم المكياج، حسم خمستعش بالمية، لسبع أيام. والسماح بالبيع تحت التكلفة مطفى: يعني ولا صنف بينزل تحت تكلفته، بيوقف عندها.
ولا صنف تحت تكلفته معاينة قبل التطبيق
معاينة قبل التطبيق: ستعش صنف رح ينحسم، وكل سعر قبل وبعد. أحمر الشفاه من سبعمية وخمسين لستمية وتمانية وتلاتين.
١٦ صنف · قبل ⇐ بعد🔍 اكبس للشاشة كاملة بعد التطبيق
الحملة شغّالة
طبّق الحملة: وبالمخزون صار في حملتين شغّالين، وأقربهن بتخلص السبت. ولما تخلص المدّة، الأسعار بترجع لحالها.
وبترجع الأسعار بس تخلص🔍 اكبس للشاشة كاملة بسعر العرض
وأحمر الشفاه صار بسعر العرض، ستمية وتمانية وتلاتين، وجنب كل صنف زرّ تعديل العرض الفعّال.
٧٥٠ ⇐ ٦٣٨🔍 اكبس للشاشة كاملة