01بطاقة المستحضر خانة خانة — مكياج وعناية
ليش أوبرا بلاس؟ لأنو بطاقة الصنف عندنا بتحكي لغة شغلك: درجة اللون، ونوع البشرة، والصلاحية، والكرتونة، وأسعار الجملة. بهالدرس منعبّي بطاقة أحمر شفاه خانة خانة، ومنحفظها.
وين البطاقة
إضافة صنف جديد
من قائمة المخزون اكبس إضافة صنف جديد، أو اختصارها: Alt مع حرف الصاد.
من قائمة المخزون · Alt+ص🔍 اكبس للشاشة كاملة الوضع الميسّر
البطاقة بتفتح بالوضع الميسّر: قسم، واسم، وسعر وتكلفة وكمية، وصورة. وإذا بدك كل التفاصيل، اكبس الوضع الكامل فوق.
قسم · اسم · سعر · صورة🔍 اكبس للشاشة كاملة طبيعة الصنف
طبيعة الصنف
أوّل خانة طبيعة الصنف. بضاعة متاجرة: بتشتريها وبتبيعها متل ما هي، وهي الافتراضي. مادة أولية ومواد تغليف: بيدخلوا بالتصنيع وما بيطلعوا ببلاطات الكاشير. صنف مصنّع: بيتولّد من تشغيلة بوصفته. ومستلزم تشغيل: مصروف متل المنظّفات. وهدول إلهم درس التصنيع.
خمس طبائع الوضع الكامل
منكبس الوضع الكامل، فبتطلع كل خانات البطاقة بشاشة وحدة. والبرنامج بيتذكّر اختيارك على هالجهاز.
كل الخانات بشاشة وحدة القسم والاسم
قسم التجميل
بقسم التجميل اكتب أول حرفين، فبتطلعلك أقسامك الشبيهة: مكياج، وفيه خمستعش صنف. وإذا بدك قسم جديد، اكتب اسمه وبينعمل.
أول حرفين ⇐ «مكياج»🔍 اكبس للشاشة كاملة الاسم والماركة
اكتب اسم المستحضر متل ما بيعرفه الزبون: أحمر شفاه مات، درجة تلاتمية وخمستعش، أحمر ناري. وبالماركة: أوبرا بيوتي. وإذا ما كانت موجودة، بيعرض عليك تضيفها ماركة جديدة.
ماركة جديدة بكبسة🔍 اكبس للشاشة كاملة المورّد الأساسي
المورّد الأساسي اختياري. منختار مؤسسة اللمسة لمستحضرات التجميل، فبتعرف من وين بتجيب هالصنف.
اختياري مكان المادة
مكان المادة ملاحظة وين حاطط الصنف: رفّ اتنين، الواجهة. بتطلع سطر صغير بقائمة المخزون وبمنتقي الأصناف. وتحتها وصف قصير: الدرجة وطريقة الاستخدام.
ملاحظة: وين حاطط الصنف🔍 اكبس للشاشة كاملة بيانات المكياج
بيانات المكياج
وهون بيانات خاصّة بالمكياج: درجة اللون، ونوع البشرة بكبسة بلا كتابة وبيقبل أكتر من نوع، والحجم، وتاريخ الصلاحية. اكتبه بالسريع: واحد، ستة، تمانية وعشرين، بيصير أوّل حزيران ألفين وتمانية وعشرين.
درجة اللون · نوع البشرة · الحجم · الصلاحية🔍 اكبس للشاشة كاملة الوحدة والأسعار
وحدة البيع ودقّة الكمية
وحدة البيع قطعة، ودقّة الكمية بلا كسور: بيتباع قطعة أو تنتين، ما بيقبل نص. وللي بينباع بالوزن أو بالمتر بتختار خانتين أو تلات خانات.
القطعة بلا كسور🔍 اكبس للشاشة كاملة طريقة التكلفة
سعر البيع سبعمية وخمسين، والتكلفة أربعمية وعشرين، لحساب الربح وقيمة المخزون. وطريقة التكلفة: يدوي بتكتبها إنت، أو من آخر فاتورة شراء، أو متوسط المشتريات، أو متوسط الشراء بالدولار. ولصنف جديد، التكلفة يلي بتكتبها بداية لحتى توصل أوّل فاتورة شراء.
يدوي · آخر شراء · متوسط · بالدولار🔍 اكبس للشاشة كاملة الجملة وجملة الجملة
إذا بتبيع للصالونات: سعر الجملة ستمية وخمسين، وجملة الجملة ستمية. وإذا ما بتبيع بشريحة، اتركها فاضية. وعتبة الكمية لكل شريحة بتضبطها من جدول التسعير السريع.
فاضي = ما بتبيع بهالشريحة🔍 اكبس للشاشة كاملة الباركود والكرتونة
الباركود
شغّل الباركود: امسحه بالكاميرا أو اكتبه، أو اكبس توليد فبيعطيك رقم جديد. وفيك تضيف أكتر من باركود لنفس الصنف. وإذا طفّيته، الصنف بينحفظ بلا باركود، وهاد مسموح.
امسح · اكتب · ولّد وحدة كرتونة
ومن وحدات البيع والشراء اكبس أضف وحدة: كرتونة فيها اتنعش قطعة، وولّدلها باركودها. هيك بتشتري بالكرتونة وبتبيع بالقطعة، والبرنامج بيحوّل لحاله.
١٢ قطعة وإلها باركودها🔍 اكبس للشاشة كاملة الرصيد والرقم
الرصيد ورقم المادة
كم عندك منه هلّق؟ اتنعش. وإذا لسّا ما وصل، خلّيه صفر وبيدخل من فاتورة الشراء. وحدّ إعادة الطلب أربعة: لما ينزل لهون بيطلع بالنواقص. ورقم المادة: اكبس ولّد، فبياخد الرقم التالي من رقم القسم.
قسم 01 ⇐ رقم 010015🔍 اكبس للشاشة كاملة إعدادات البيع
إعدادات البيع
إعدادات البيع: متاح للبيع، يعني بيطلع بالكاشير وعلى صفحة متجرك للزباين. والسماح بالبيع عند نفاد المخزون. والأرقام التسلسلية للقطع يلي إلها سيريال، متل الأجهزة.
متاح · عند النفاد · تسلسلي عرض على الصنف
تفعيل عرض: بتكتب سعر العرض، وتاريخ البداية والنهاية، فبيطلع الصنف بقسم العروض طول ما سعره أقل من الأساسي. وحملات العروض الكاملة إلها درس لحالها.
سعر العرض · من · لـ آلية التسعير
آلية التسعير: يدوي بعملة بلدك، أو مرتبط بسعر الصرف فبيتحدّث سعره لحاله لما يتغيّر الدولار. اربطه بس إذا بدك سعره يمشي مع الصرف.
بعملة بلدك · أو مع الدولار🔍 اكبس للشاشة كاملة الصورة
الصورة
والصورة من المعرض أو الكاميرا. وإذا ما رفعت صورة، في صورة تلقائية حسب الاسم بتطلع للزبون، وبتتبدّل لحالها إذا غيّرت الاسم.
من المعرض · كاميرا · تلقائية حفظ ومتابعة F9
حفظ ومتابعة
خلصنا؟ اكبس حفظ ومتابعة، أو F9 من أي خانة. الصنف بينحفظ، والبطاقة ما بتتسكّر.
F9 من أي خانة أُضيف ١
شوف فوق: أُضيف واحد. البطاقة فضيت لصنف جديد، بس القسم والوحدة والمورّد والماركة ضلّوا متل ما هنّي، والمؤشّر بخانة الاسم. هيك بتضيف خمسين صنف ورا بعض بلا ما تطلع.
القسم والوحدة والمورّد والماركة بيضلّوا🔍 اكبس للشاشة كاملة الصنف التاني
منكتب التاني: أحمر شفاه مات، درجة تلاتمية وعشرين، وردي غامق، وسعره سبعمية وخمسين. وهالمرّة منكبس حفظ مستحضر، فبينحفظ وبتتسكّر البطاقة.
اسم · درجة · سعر — وحفظ بالمخزون
صاروا بالمخزون
ومن المواد والمخزون، F11 للبحث: أحمر شفاه مات. الصنفين الجداد صاروا بقسم مكياج، مع الكمية والتكلفة وسعر البيع وقيمة المخزون.
F11 للبحث تعديل الصنف
وبدك تعدّل؟ اكبس تعديل كامل جنب الصنف، فبتنفتح بطاقته بكل يلي حفظته. وانتبه للسطر تحت التكلفة: ما في فواتير شراء لهالصنف بعد، فالتكلفة بتضل متل ما كتبتها لحتى توصل أوّل فاتورة.
«تعديل كامل» جنب الصنف