التصنيع — كيف بيشتغل

افتح «ورشة التصنيع» ← وصفة جديدة

بتختار المنتج النهائي (بيتزا · كنبة · قميص).

حدّد كمية الناتج القياسية

«هالوصفة بتنتج ١٠ قطع» — وكل المواد بتنحسب مقابل هالرقم.

ليش هيك؟ بتشتغل بوصفة وحدة سواء طلعت ١٠ أو ١٠٠ — البرنامج بيضرب لحاله.

ضيف المواد بكمياتها

طحين ٢ كغ · جبنة ٥٠٠ غ · صلصة ٣٠٠ غ — من مخزونك مو نصاً حرّاً.

اكتب نسبة الهدر لكل مادة

قصّ اللوح بيضيّع ٥٪؟ اكتبها — فبتدخل التكلفة.

ليش هيك؟ بلا الهدر بتطلع تكلفتك أقل من الحقيقة، فتبيع بربح وهمي.

شوف التكلفة وهي بتنحسب

شريط تكلفة حيّ بيتحدّث مع كل تعديل بأسعار التكلفة الحالية.

انتبه للتنبيهات

«⚠ مادة بلا تكلفة — الرقم ناقص» أو «⚠ مادة ما بتقبل كسور — كميتها رح تنحفظ مقرّبة».

افتح تشغيلة من الوصفة

بتحدد: كم بدك تنتج.

المواد بتنقص والناتج بيزيد

لحظة الحفظ — على جهازك فوراً حتى بلا نت.

سجّل المخطط والفعلي والهدر

خطّطت ١٠٠ وطلع ٩٥ وهدرت ٣؟ الأرقام الثلاثة منفصلة.

ليش هيك؟ بتعرف كفاءة معملك لا الرقم النهائي بس.

ما في مواد؟ بيرفض

بيحسب المواد من الوصفة وبيرفض الحفظ إذا المخزون ما بيكفي.

بالقطعة

الخيّاط أخذ ٥٠ قطعة × ٢٠٠ ليرة — بتسجّل المقبول والمرفوض.

بالوقت

٣ ساعات × أجر ساعته. وأجر الساعة بينشتق من راتبه ÷ ساعات دوامه — بلا ما تحسب.

ليش هيك؟ المعمل ذو الرواتب الشهرية أجوره بتدخل تكلفة منتجه، مو بس عمال القطعة.

بمبلغ مقطوع

«هالتشغيلة أجرتها ٥٠ ألف» وخلص.

شوف الحساب قبل الحفظ

«٣ ساعات × ٢٬٠٠٠ = ٦٬٠٠٠» ظاهرة قبل ما تنكتب بالدفتر.

وشوف أثرها على الوحدة

«إجمالي الأجور: ٤٥٬٠٠٠ · تزيد تكلفة الوحدة بـ٤٥٠».

نسيت الأجور؟ بينبّهك

«تكلفة المنتج رح تنحسب من المواد وحدها — فبيبيّن أرخص مما كلّفك».

حدّد نسبة تحميل أو تكلفة ساعة

كهربا المعمل وإيجاره وصيانة آلاته بتنوزّع على منتجاتك.

ليش هيك؟ بلاها بيطلع منتجك أرخص من كلفته الحقيقية فتبيع بخسارة وأنت مبسوط.

اختر سياستك

الأجور والتحميل تدخل تكلفة المنتج (تكلفة كاملة)، أم تبقى مصروف شهر (تكلفة متغيّرة).

التبديل ما بيمسّ الماضي

«يسري على ما بعده — واللي انرسمل سابقاً بيضل متل ما هو».

اختر «من التصنيع» كطريقة تكلفة

تكلفة الناتج بتتبع وصفته حيّاً.

غلي سعر مادة؟ كل شي بيلحق

تكلفة المادة بتتغيّر ⇒ تكلفة المنتج بتتحدّث ⇒ وإذا كان عليه تسعير آلي، سعر بيعه بيلحق كمان.

ليش هيك؟ سلسلة كاملة بلا كبسة: مادة ⇒ تكلفة منتج ⇒ سعر بيع.

أو اختر طريقة لكل مادة

كبسة على تكلفة المادة بتوريك القيم الثلاث (يدوي · آخر شراء · متوسط) وبتختار.

شغّل «خصم المواد عند البيع»

بعت شاورما؟ الخبز واللحمة والصلصة بتنقص من المخزون لحالها.

ليش هيك؟ المطعم ما بيصنّع مسبقاً — بيصنّع مع كل طلب.

أو صنّع دفعة مسبقاً

المعمل بيشغّل تشغيلة كبيرة وبيبيع من الناتج — الطريقتان مدعومتان.

سجل التشغيلات

كل تشغيلة برقمها وناتجها وهدرها وتكلفة مادّتها وتكلفة وحدتها.

عكس تشغيلة غلط

زر ↩️ بيرجّع المواد وبيسحب الناتج وبيعكس القيد — بتأكيد بيقلّك الأثر قبل ما تكبس.

وبيقلّك شو ما بينعكس

تكلفة بطاقة الناتج ما بتنفكّ من المتوسط، وأجور العمال بتضل لأن الشغل صار فعلاً.

تصدير التصنيع لإكسل

تقرير بكل التشغيلات باسم متجرك.