🧾 الشغلُ اليومي — البيع والشراء والمخزون
جدول التسعير السريع
كل موادك بصفحة وحدة: تكلفة · مفرق · جملة · جملة الجملة — بتعدّلهم كلهم من مكان واحد بدل ما تفتح بطاقة بطاقة.
12 خطوة · 5 زرّ مشروح · 4 تنبيه
كيف بتشتغل — بالترتيب
دوّر عن موادك أو فلتر على قسم — أو على «☑ آلي» / «يدوي» لتشوف المؤشَّر وحده أو اليدوي وحده.
كل صنف سطر واحد: التكلفة (وطريقتها تحتها) · هامش ٪ · سعر البيع · الجملة · جملة الجملة (وعتبة الكمية «من ١٢» تحت كل شريحة — اكبسها لتعدّلها) · ☑ آلي · حفظ و⋯.
عمود «هامش ٪» بيقلّك بنظرة: أخضر سليم · كهرمانيّ تحت الهامش المستهدَف · أحمر تحت التكلفة · رمادي بلا تكلفة.
ليش هيك؟ الهامش محسوب على تكلفة التسعير نفسها يلي بيولّد منها «ولّد» — لصنف «متوسط بالدولار» على تكلفة اليوم لا التاريخية، فما بيقول العمود رقماً واللون غيره.
عدّل أي سعر بالخانة مباشرةً — بينحفظ لحاله.
Enter بيمشي بالسطر متل القيد اليدوي: التكلفة ← البيع ← الجملة ← جملة الجملة، وبآخر خانة بيحفظ السطر وبينزل لأول خانة بالسطر الجاي. الخانة المقفولة بتتخطّى، وTab والأسهم بتتنقّل بين الخانات.
بالماسح السلكي: امسح ← اكتب السعر ← Enter — بيحفظ وبيرجعك لخانة البحث لتمسح الصنف الجاي.
زر الحفظ بآخر السطر بيضوي بالتركوازي لما يكون في تعديل لسّا ما انحفظ — و⋯ جنبه فيها تعديل الصنف الكامل وحركة المادة والحذف.
اكبس $ على أي سعر لتربطه بسعر الصرف.
على الهاتف: البحث فوق الجدول، وزرّ ☰ للأقسام وألوان الخوارزمية، وزرّ ٪ للهوامش و«خوارزمية التسعير» و«ولّد».
إذا بدك تسعّر دفعة: أشّر ☑️ «تسعير آلي» على الأصناف، وحدّد هوامشك الثلاثة فوق، واكبس «ولّد».
ليش هيك؟ الأصناف المؤشّرة بتتبع التكلفة: كل ما تشتري بسعر جديد بيتحدّث سعر بيعها لحاله.
أي سعر بتكتبه بإيدك بيوقّف التوليد لهالصنف — رقمك بيسود.
راقب فحص السلّم: مفرق > جملة > جملة الجملة > التكلفة. إذا انقلب بيقلّك بأرقامه.
ليش هيك؟ سلّم مقلوب معناه زبون الجملة بيدفع أغلى من المفرق — وما في شي تاني بيكشفها.
انتبه
- ⚠ خطوة التقريب بتنلغى إذا كانت رح تبلع ربحك (تكلفة ١٠٠ بهامش ٣٠٪ وخطوة ١٠٠ كانت بتعطي ١٠٠ = بيع بلا ربح).
- ⚠ تكلفة صفر يعني «ما منعرفها»: ما بيتولّد إلها سعر أبداً.
- ⚠ صنف مربوط بالدولار بلا سعر صرف ما بيتولّدله ولا سعر (لا مفرق ولا جملة) — اضبط سعر الصرف وبيتولّد لحاله.
- ⚠ إذا التقريب خلّى الجملة تساوي المفرق أو أغلى، بينلغى التقريب لهالشريحة وبتاخد سعرها المحسوب. وجملة مولَّدة أغلى من مفرق كتبته بإيدك ما بتنكتب.
الأزرار — كل زرّ شو بيعمل
- «تسعير آلي»
- ☑️ على الصنف: أسعاره الثلاثة بتتبع تكلفته — كل ما تتغيّر التكلفة (شراء · متوسط · وصفة · سعر صرف) أو هوامشه، بيتولّد المفرق والجملة وجملة الجملة من جديد: السعر = التكلفة × (١ + الهامش).
- أي سعر بتكتبه بإيدك على صنف مؤشَّر بيشيل ☑️ عنه لحاله — رقمك بيسود.
- «ولّد»
- بيختم هوامش «المفرق · الجملة · جملة الجملة» وخطوة «تقريب» يلي فوق على الأصناف المؤشَّرة ☑️ حصراً (الرقم بين القوسين عددها) وبيولّد أسعارها من تكلفتها. قبل التنفيذ بيقلك كم خانة فيها سعر مكتوب رح تنستبدل، وبالآخر كم سعر تغيّر فعلاً.
- لحماية سعر يدوي: شيل ☑️ عن صنفه قبل «ولّد».
- «خوارزمية التسعير»
- بتفتح نافذة الشرائح: هامش مختلف حسب تكلفة الصنف (من كم إلى كم) ولكل قسم أو ماركة أو أصناف بعينها — وبتسعّر فيها أصناف الجدول دفعة وحدة.
- «تقريب»
- خطوة تدوير السعر المولَّد. فاضية = لأقرب ١٠٠ بدفتر الليرة، ولأصغر وحدة (سنت) بدفتر عملته بكسور.
- التقريب بيتلغى إذا كان رح يبلع هامشك أو ينزّل السعر لتحت التكلفة — الشكل ما بيغلب المال.
- «طريقة التكلفة»
- عمود لكل صنف بيقرّر من وين بتجي تكلفته: «يدوي — أنا أكتبها» · «من آخر فاتورة شراء» · «متوسط المشتريات» · «من التصنيع — تتبع وصفته» · «متوسط الشراء بالدولار». والتكلفة هي أساس «ولّد» والتسعير الآلي.
مواضيع قريبة
جرّبها بمحلّك — مجاناً وبلا نت