📒 المحاسبة — القيود والدفاتر والتقارير
الأصول الثابتة
هون بتسجّل البرادات والأفران والمولّدة والسيارة وكل شي بيخدم المحل سنين — البرنامج بيدخّل كلفتها للدفتر وبيهتلكها كل شهر.
5 خطوة · 5 زرّ مشروح · 2 تنبيه
كيف بتشتغل — بالترتيب
اكبس «إضافة أصل» واكتب اسمه، واختار نوعه (برادات · معدات مطبخ · سيارة…).
ليش هيك؟ النوع بيحدّد حساب الأصل ونسبة الإهتلاك — ما في كود تكتبه بإيدك.
اكتب الكلفة وتاريخ الشراء (أو يوم بلّش يشتغل).
اختار كيف دفعت: نقداً من صندوق أو بنك · آجلاً على مورّد · أو «موجود قبل البرنامج».
ليش هيك؟ النقد بينقص من الصندوق، والآجل بيزيد دين المورّد، والموجود قبل البرنامج بيدخل بالأرصدة الافتتاحية — وبيسجّل معه الإهتلاك يلي صار قبل البرنامج حتى ما ينحمل كلّه على أوّل شهر.
احفظ — القيد بينزل بالدفتر فوراً وبيترحّل لحاله.
آخر كل شهر اكبس «إهتلاك الشهر» وراجع القسط ورحّله.
انتبه
- ⚠ غلطت بالكلفة بعد الحفظ؟ افتح «تعديل الأصل» ⇐ «اعكس قيد الشراء» — القيد ما بينحذف، بينعكس وبترجع تحفظه صح.
- ⚠ الأرض والمشاريع تحت التنفيذ ما بتنهتلك — بتنسجّل بس.
الأزرار — كل زرّ شو بيعمل
- «إضافة أصل»
- بيفتح بطاقة أصل جديد مع طريقة دفعه — والحفظ بيرحّل قيد الشراء.
- «تعديل الأصل»
- بيغيّر الاسم أو النسبة أو الخردة؛ الكلفة والنوع والتاريخ والدفع مقفولين طول ما قيد الشراء مرحَّل.
- «اعكس قيد الشراء»
- بيسجّل قيد عكس بتاريخ اليوم فبتنفتح الكلفة والنوع للتعديل، وبالحفظ بينزل القيد الصحيح.
- «استبعاد أو بيع»
- بيوقّف الإهتلاك بعد شهر البيع أو التلف. قيد البيع نفسه بتسجّله من «قيد يدوي».
- «إهتلاك الشهر»
- بيحسب قسط الشهر لكل أصل من المسجّل بالدفتر وبيرحّله قيد مصروف.
مواضيع قريبة
جرّبها بمحلّك — مجاناً وبلا نت